NON FORON NOTICIA
Manuel Dios Diz

Entre o 22 e o 24 de Abril, tivo lugar en Fisterra, no IES Fin do Camiño, que nome máis acaído, precisamente neste Ano Xacobeo, o II Encontro Nacional de Mediadores de Conflitos, un proxecto de agrupación de centros escolares financiado polo Ministerio de Educación no que participan, ademais do citado de Galicia, o IES Portada Alta de Málaga, o Montes Obarenes de Miranda do Ebro, e o Alto Nalón de Asturias.

PREME EN LER MÁIS PARA VER O RESTO DO ARTIGO

XOSÉ MANUEL BEIRAS E O SEMINARIO GALEGO DE EDUCACION PARA A PAZ, PREMIOS MONCHO VALCARCE Á DEFENSA E PROMOCIÓN DA TERRA

 Manolo Dios, presidente do Seminario Galego de Educación para a Paz recibeo o Premio en nome do Seminario Galego de Educación para a Paz, no seu XXV Aniversario.
 
A Irmandade Moncho Valcarce, en honor de Ramón Valcarce Vega (1935-1993), máis coñecido como o cura das Encrobas, impulsada polos seus amigos e familiares, entrega cada ano dous premios, un á defensa da terra e outro á promoción da terra.
 
O Seminario Galego de Educación para a Paz agradece o recoñecemento, nun ano especialmente emblemático para a organización pacifista galega no seu XXV Aniversario, e felicita a Xosé Manuel Beiras pola concesión do Premio á defensa da Terra, ó tempo que se compromete a seguir promovendo os valores cívicos e democráticos, a educación e a cultura da paz, nas aulas, na vida e na sociedade, dentro e fora do país, co mesmo entusiasmo e firmeza cos que Moncho Valcarce defendeu os seus ideais.

Informe sobre Gasto e I+D militar ano 2010

30 de Xaneiro de 2010 DÍA ESCOLAR POLA PAZ PROPOSTA DIDÁCTICA

Sobre os Dereitos e as Responsabilidades das nenas, nenos e adolescentes

Ver a Unidade Didáctica

Ver os carteis, carta e carpeta (polo seu tamaño, poden tardar en cargar

MANOLO RIVAS, KAREN MARON  E GERVASIO SÁNCHEZ PREMIOS PORTAPAZ 2009

A Xunta Directiva do Seminario Galego de Educación para a Paz decidíu conceder os seus PREMIOS PORTAPAZ que entrega anualmente a persoas e/ou entidades que destaquen na defensa e promoción dos valores cívicos e democráticos, dos dereitos humanos e da Cultura da Paz, ó escritor galego, Manolo Rivas, ó fotoxornalista Gervasio Sanchez, e á xornalista arxentina Karen Maron.

 O Acto de entrega será o vindeiro día 29 de Xaneiro, víspera do Día Escolar pola Paz, aniversario da morte de Gandhi, na Fundación Caixa Galicia de Santiago de Compostela. Posteriormente haberá unha Cea de Homenaxe cos galardoados nun coñecido Restaurante de Compostela.

 Con esta iniciativa o Seminario Galego de Educación para a Paz inicia as actividades do novo ano coas celebracións do Día Escolar pola Paz. Nos próximos días estará a disposición do profesorado na súa web: www.sgep.org a Unidade Didáctica titulada “Sobre dereitos e responsabilidades de nenas, nenos e adolescentes” con información ampla sobre a Declaración e a Convención dos dereitos do neno e a nena, así como diversas propostas e recursos didácticos para conmemorar o aniversario da morte de Gandhi nas aulas.

 Ademais realizará o seu tradicional acto conmemorativo na Horta da Paz da Casa de Rosalía de Castro en Padrón, o mesmo día 29, ás 11:30 horas, con nenos e nenas da comarca padronesa.

 Tamén está previsto un acto no Parlamento de Galicia, tal e como se ven celebrando nos últimos anos, con mozos e mozas dos institutos de Compostela.

Fai clic aquí para ver a Galería e Fotos

Ver a noticia en La Voz de Galicia      Ver a noticia en El Correo Gallego