Federico Mayor Zaragoza e Alejandro Tiana participaron na presentación do SGEP en Madrid
Na imaxe: Manuel Dios, Federico Mayor Zaragoza, Alejandro Tiana e Calo Iglesias.
Coa Casa de Galicia como escenario, o Seminario Galego de Educación para a Paz- Fundación Cultura de Paz realizou, o pasado 7 de Xuño, a súa presentación a nivel estatal en Madrid. Federico Mayor Zaragoza, Director da Fundación Cultura de Paz e Co-Presidente do Grupo de Alto Nivel de Nacións Unidas sobre a Alianza de Civilizacións e Alejandro Tiana, Secretario de Estado de Educación, exerceron de padriños deste acto, arropando os membros do SGEP, representados polo seu Presidente, Manuel Dios, e por Calo Iglesias, Coordinador do Centro de Estudios pola Paz do SGEP. O Director da Casa de Galicia, Alfonso Palomares, tamén participou nesta xornada festiva, dándolle-la benvida ó Seminario. Case cen persoas acudiron a esta presentación, na que se fixo un repaso das actividades, iniciativas e publicacións realizadas polo Seminario Galego de Educación para a Paz ó longo destes máis de vinte anos de traballo. Entre os convidados destacaron personalidades de tódolos ámbitos, como Baltasar Garzón, Fernando Lezcano ou Pedro Badía.
