ORIXE E COMPOSICIÓN

          O Seminario Galego de Educación para a Paz naceu en 1985 como un Seminario Permanente promovido por un grupo de profesionais dos distintos niveis do ensino (desde a educación infantil ata a universidade) sensibilizados diante da ausencia de materiais didácticos e reflexións teóricas sobre a Educación para a Paz en xeral ou especificamente sobre os dereitos humanos, a tolerancia, a solidariedade, o ecopacifismo, a solución pacífica de conflictos, a interculturalidade ou a Cultura de Paz. Nos últimos anos profesionais doutros ámbitos (dereito, saúde, animación sociocultural, estudiantes...) téñense incorporado ó Seminario Galego de Educación para a Paz que, na actualidade, tense convertido nunha ONG sen ánimo de lucro que forma parte da Coordinadora Galega de ONG´s para o Desenvolvemento e da Coordinadora Galega pola Paz. Os traballos do Seminario Galego de Educación para a Paz nestes anos foron recoñecidos publica e institucionalmente coa concesión de varios premios: de investigación en Ciencias Sociais de Bancaixa (Valencia) por un traballo conxunto sobre a tolerancia, o premio Xustiza e Sociedade en 1998, o León Felipe pola Paz no ano 2.000, o Mensaxeiro da Paz da UNESCO tamén no 2000, e o de promoción de conductas tolerantes da Consellería de Educación no 2001.

A Xunta Directiva do Seminario Galego de Educación para a Paz está integrada por:

OBXECTIVOS

1. Promove-la Educación para a Paz, os seus obxectivos, contidos e actividades, como eixo transversal obrigatorio do curriculum.
   
2. Contribuir á formación inicial e permanente do profesorado.
   
3. Divulga-los valores cívicos e democráticos dunha Cultura de Paz proclamados pola Declaración Universal dos Dereitos Humanos e o Manifesto 2000 promovido polos premios Nobel da Paz.
   
4. Realizar actividades culturais que fagan realidade, nas aulas e na sociedade, estes valores
   
5. Colaborar e cooperar internacionalmente, de maneira especial, con ONGs similares dos países empobrecidos.
   
   

   

SERVICIOS

• Biblioteca ecopacifista especializada
  
• Videoteca
  
• Sá de xuntas
  
• Páxina web
  
• Conexión a Internet
  
• Documentación
  
• Asesoramento
  
  

ACTIVIDADES

1. Organización anual dos Encontros de Educación para a Paz no mes de Marzo en Santiago de Compostela como un Foro de reflexión e de intercambio de experiencias.
   
2. Promoción do Día Escolar pola Paz cada 30 de Xaneiro no aniversario da morte de Mahatma Gandhi.
   
3. Entrega dos Premios Portapaz ás persoas ou entidades que destaquen a prol ou en contra da Paz.
   

   PREMIADOS Plataforma do 0,7 Bemposta Cidade dos Muchachos Gesto por la Paz Asociación Galega de Defensa dos Desaparecidos en Arxentina Concellos de Xixón e Pontevedra, programa Abierto hasta el amanecer Carmen Sarmiento Federico Mayor Zaragoza Baltasar Garzón Fernando Valderrama Asociación de Mulleres Maltratadas Ovarias José Couso, in memorian Centro de Investigación para a Paz (C.I.P.)  Asociación IRIMIA AIDA (Asociación para la integración y desarrollo del Africano

4. Realización de Cursos de Formación do Profesorado no marco do Plan Anual da Consellería de Educación e a través dos centros de formación e recursos, así como nos propios centros e nas universidades.
   
5. Organización e participación en conferencias, charlas, mesas redondas, encontros e xornadas, sobre os distintos contidos da Educación para a Paz ou a prevención e mediación de conflictos en institucións educativas.
   
6. Elaboración, edición e distribución de materiais e recursos didácticos, publicacións, exposicións...que faciliten a incorporación da Educación para a Paz no curriculum.
   
   
   

PRESENCIA INTERNACIONAL

          O Seminario Galego de Educación para a Paz forma parte do Comité Executivo da Asociación Internacional de Educación para a Paz (AIEP) con sede en París; é membro do Comité Asesor Internacional da Campaña Global de Educación para a Paz da Hague Appeal for Peace (Chamado pola Paz da Haia) con sede en Nova Iorque, e forma parte da rede internacional Trascend.
No ámbito do Estado Español o SGEP forma parte de AIPAZ, rede de organizacións e centros de Educación e Investigación para a Paz.

CONVENIOS MARCO DE COLABORACIÓN

          Na actualidade o Seminario Galego de Educación para a Paz mantén vixentes distintos Acordos Marco de Colaboración con diferentes entidades públicas e privadas para a realización de actividades, coas universidades, co Valedor do Pobo, coa Fundación e Obra Social de Caixa Galicia, co Consello da Cultura Galega, coa Fundación Cultura de Paz...así como coa Consellería de Educación, coa Consellería de Cultura e con varios concellos.